ياحواء...انا آدم
..........
إن كنتى حب..أو كنتى عشق
فدا جزء....من جزء منّى
إن كنتى بغض...أو كنتى نبض
كمان فى نبضك..رووح ومنَى
لأنك أنتى حته منى ..اساسها منى
مخلوقه من ضلع منى...أعوج ساكن بجنبى
فما بالك باقى الضلوع
ياحواء....قومى وهمّى
وآمنى ليّا بالخضوع
عندك ذكاء؟ او كبرياء؟
عندك حياء..او الوفاء؟
انا آدم ياحواء
وأنتى جزء من جزء منَى
فما بالك باقى الأجزاء
حربك دى...هاتخسريها
والزمن...مسبقا شهد عليها
بس انا سايبك تغنى
وتلعبى بالقرب منى
طبعا بكيفى...مش غصب عنى
لانك انتى حته منى
ولأنى آدم....ياحواء
أنا أساسك
حافظك... من ظفرك.. لشعر راسك
لأمووورك...بأيدى ماسك
متحكم ..كيف ما أشاء
لأنك انتى حته منى..ولأنى آدم ياحواء
أنا آدم
ربى خلقنى...واكرمنى..وكرمنى
وأمر الملايكه...تسجد لى
أما الشيطان اللى رافضنى
وغاااار منَى
ودخل فى حرب وخسرانه
وكان مصيره يخش النار
مع أتباعه..واعوانه...وطوَاعه
علشان شيطاااان..وهواه باعه
إختارى ياحواء...تكونى مع مين؟
طاعة آدم بعد ال~هه؟
أو مصيرك... زى الشياطين؟
مالكيش خيار...غير الخيارين
